Sentence The Fivehundredandfifth

"Stoap that ye mendacious baw-heid, goanie no dae that!" 

and "dae whit?" the other asked, 

"tell aw thae lies aboot me, jist goanie no!" 

and "whit lies?" the other asked, 

"ca'in me 'Willie the Wuss' it's embarrassin," 

and "wha sez?" the other asked, 

"abdy. emdy. them!"

and "name, names kin ye?" the other asked, 

"they's vagarious, it's no sae easy tae pin them doon," 

and "whaur ur they?" the other asked, 

"up therr, doon therr, aw ower the plaice, roon therr, by therr!" 

and "dae ye bleeve them?" the other asked, 

"hoo no fur, they quotit ye!" 

and "but did they quote me richt?" the other asked, 

"hoo nose!" 

and "if a telt ye whit a reely sed, wid it shut ye up?" the other asked, 

"ye cood try, but!"

and "if a sed 'yer een hud a licht like a will-o'-the-wisp on a summer's nicht' wud that cheer ye up?" the other asked, 

"aw yer a richt namby-pamby wi yer mimiamb blathers!" 

and "so dae a get a kiss then?" the other asked, 

"aye, ye dae, ye daft galloot, but pit oot the licht so's a dinnae see ye'r big daft grinnin fizzog while wur smoochin!"