Sentence The Fivehundredandfiftyfifth

Snooker Tam's Declaration 

"Wi thae myriad delectations she gies us fur wir delicht,

Ye mun think that she's a real live Wonder Wummin,

She keeps us safe fi aw thon tarnal Witches o the Nicht,

An when she maks a Clootie Dumplin oor aw hummin;

An when she taks her curlers oot and piles her hair up high,

Ye mun think she looks a bit like some yin Glammy,

But in fur coat, heels an make-up, we look at her an sigh,

Cos the finest wummin doon wir street's oor Mammy.